بٷگٸن پالاتا سپيكەرٸ نۇرلان نىعماتۋليننٸڭ تٶراعالىعىمەن مەجٸلٸستٸڭ بيۋرو وتىرىسى ٶتٸپ, وندا الداعى جالپى وتىرىستىڭ كٷن تەرتٸبٸ ناقتىلاندى, دەپ حابارلايدى تٶمەنگٸ پالاتانىڭ باسپاسٶز قىزمەتٸ.
دەپۋتاتتار قاراۋىنا ەلباسى باستاماشى بولعان «قازاقستان رەسپۋبليكاسىنىڭ سوت جٷيەسٸ مەن سۋديالارىنىڭ مەرتەبەسٸ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» كونستيتۋتسييالىق زاڭ جوباسى ٸلەسپە تٷزەتۋلەرٸمەن ۇسىنىلماق.
سونىمەن قاتار, وسى كٷنٸ مەجٸلٸس بالانىڭ قۇقىقتارىن قورعاۋ جٶنٸندەگٸ فۋنكتسييالاردى جٷزەگە اسىراتىن ۇيىمداردىڭ قىزمەتٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى زاڭ جوباسىن ەكٸنشٸ وقىلىمدا قاراماق.
سونداي-اق, قازاقستان مەن رەسەي ٷكٸمەتتەرٸ اراسىنداعى ەلٸمٸزگە مۇناي جەنە مۇناي ٶنٸمدەرٸن جەتكٸزۋ سالاسىنداعى ساۋدا-ەكونوميكالىق ىنتىماقتاستىق تۋرالى كەلٸسٸمگە ٶزگەرٸستەر ەنگٸزۋ تۋرالى حاتتامانى راتيفيكاتسييالاۋ تۋرالى زاڭ جوباسىن قاراۋ كٶزدەلگەن.
بۇدان باسقا, بيۋرو وتىرىسىندا 2019 جىلدىڭ قىركٷيەك ايىندا استانا قالاسىندا ەۋرازييا ەلدەرٸ پارلامەنتتەرٸ تٶراعالارىنىڭ تٶرتٸنشٸ كەڭەسٸن دايىنداۋ جەنە ٶتكٸزۋ تۋرالى مەسەلەلەر قارالدى.
.jpeg)