Búgin Májilis Spikeri Nurlan Nyǵmatýlinniń tóraǵalyǵymen Palata Biýrosy ótip, onda aldaǵy jalpy otyrystyń kún tártibi naqtylandy.
Biýro otyrysynda depýtattar qaraýyna aýdandyq, qalalyq jáne aýyldyq bilik deńgeileriniń derbestigi men jaýapkershiligin keńeitý máseleleri týraly zań jobasy birinshi oqylymda usynyldy.
Qujat jergilikti memlekettik pen ózin-ózi basqarýdy damytýǵa, onyń ishinde jergilikti mańyzy bar aǵymdaǵy máselelerdi sheshý jedeldigin arttyrý úshin jergilikti bilik organdaryna qosymsha fýnktsiialar men kiris ókilettilikterin berýge baǵyttalǵan.
Sonymen qatar, depýtattarǵa usynylǵan kún tártibiniń jobasynda birqatar ratifikatsiialyq zań jobalary bar.
Olar: sýǵa batyp ketken kemelerdi joiý týraly 2007 jylǵy Nairobi halyqaralyq konventsiiasyn ratifikatsiialaý týraly jáne Qazaqstan men Bolgariia arasyndaǵy sottalǵan adamdardy berý týraly shartty ratifikatsiialaý týraly.
