Ishki ister ministri Marat Ahmetjanov jýyqta ustalǵan Pavlodar oblysy politsiia departamentiniń bastyǵy Nurlan Másimovtiń isine qatysty derektermen bólisti, dep habarlaidy Sputnik Qazaqstan.
"Pavlodar oblysy politsiia departamentiniń burynǵy basshysy men onyń orynbasary biýdjet qarjysyn jymqyrdy degen kúdikke ilindi. Tergeýdiń pikirinshe, olar materialdyq-tehnikalyq qajettilikterge jumsalǵan aqshanyń somasyn ulǵaityp kórsetken", - dedi ol.
Onyń aitýynsha, olarmen sybailastyq ornatyp politsiia departamentine qurylǵylardy basqa baǵamen jetkizgen kásipkerler de ustaldy.
Esterińizge sala keteiik, politsiia general-maiory Nurlan Másimov para aldy degen kúdikke ilingeni týraly habarlaǵan edik.
"Pavlodar oblysy boiynsha sybailas jemqorlyqqa qarsy qyzmeti Pavlodar oblysy politsiia departamentiniń eks-bastyǵy politsiia general-maiory Nurlan Másimovke qatysty asa iri mólsherde para aldy degen kúdikpen sotqa deiingi tergeýdi bastady", - delingen Sybailas jetqorlyqqa qarsy is qimyl agenttiginiń habarlamasynda.
Agenttik málimetine sáikes, tergeý soty isti "kúzetpen ustaý" túrindegi bultartpaý sharasymen sanktsiialady.
Qazirgi ýaqytta Nurlan Másimovke izdeý jariialandy. Ázirge onyń qaida ekeni belgisiz.
