QR Sybailas jemqorlyqqa qarsy is-qimyl agenttiginiń Nur-Sultan qalasy boiynsha departamentiniń basshysy Nurlan Qydyrbaev «Antikor.Live» jobasy aiasyndaǵy onlain brifingte biýdjet qarajatyn talan-tarajǵa salǵan qylmyskerlerge qatysty pikir bildirdi, dep habarlaidy QazAqparat.
«Sońǵy 4-5 jylda kóptegen ministrler men basqa da laýazymdy tulǵalar kóp mólsherde aqsha jymqyrǵany úshin sottalyp jatyr. Keiingi kezde Aldyn alý departamenti ashylǵannan keiin aldyn ala túsindirý jumystarynyń nátijesinde mundai qylmys túri azaiǵan siiaqty. Degenmen úkimettiń qarajatyna qol salǵysy keletin ashkóz jemqorlar áli de jeterlik. Biz olar boiynsha jedel jumys júrgizip jatyrmyz jatyrmyz», - deidi Sybailas jemqorlyqqa qarsy is-qimyl agenttiginiń Nur-Sultan qalasy boiynsha departamenti basshysy Nurlan Qydyrbaev.
Onyń aitýynsha, bes jyl burynǵy kezeńmen salystyrǵanda jemqorlar sany azaiǵan.
«Biyl jemqorlyq boiynsha basqa oblys ákimderi, olardyń orynbasarlaryna qatysty qylmystyq is tirkelip jatyr. Prezident bizdi solarmen jumys isteýimiz úshin taǵaiyndady. Osy baǵyt boiynsha jumys isteýimiz kerek. Barlyq departament basshylary mektepterge baryp jumys júrgizdi. Ózim de úsh mektepke, ýniversitetterge baryp, túsindirý jumystaryn júrgizdim. Eger mektepten bastap osyndai jumys júrgizetin bolsaq - qylmys azaiady. Kóbi Qylmystyq kodekstiń ne ekenin, qylmys jasaýdyń saldary ne bolatynyn bilmeidi», - deidi ol.
