قر سىبايلاس جەمقورلىققا قارسى ٸس-قيمىل اگەنتتٸگٸنٸڭ نۇر-سۇلتان قالاسى بويىنشا دەپارتامەنتٸنٸڭ باسشىسى نۇرلان قىدىرباەۆ «Antikor.Live» جوباسى اياسىنداعى ونلاين بريفينگتە بيۋدجەت قاراجاتىن تالان-تاراجعا سالعان قىلمىسكەرلەرگە قاتىستى پٸكٸر بٸلدٸردٸ, دەپ حابارلايدى قازاقپارات.
«سوڭعى 4-5 جىلدا كٶپتەگەن مينيسترلەر مەن باسقا دا لاۋازىمدى تۇلعالار كٶپ مٶلشەردە اقشا جىمقىرعانى ٷشٸن سوتتالىپ جاتىر. كەيٸنگٸ كەزدە الدىن الۋ دەپارتامەنتٸ اشىلعاننان كەيٸن الدىن الا تٷسٸندٸرۋ جۇمىستارىنىڭ نەتيجەسٸندە مۇنداي قىلمىس تٷرٸ ازايعان سيياقتى. دەگەنمەن ٷكٸمەتتٸڭ قاراجاتىنا قول سالعىسى كەلەتٸن اشكٶز جەمقورلار ەلٸ دە جەتەرلٸك. بٸز ولار بويىنشا جەدەل جۇمىس جٷرگٸزٸپ جاتىرمىز جاتىرمىز», - دەيدٸ سىبايلاس جەمقورلىققا قارسى ٸس-قيمىل اگەنتتٸگٸنٸڭ نۇر-سۇلتان قالاسى بويىنشا دەپارتامەنتٸ باسشىسى نۇرلان قىدىرباەۆ.
ونىڭ ايتۋىنشا, بەس جىل بۇرىنعى كەزەڭمەن سالىستىرعاندا جەمقورلار سانى ازايعان.
«بيىل جەمقورلىق بويىنشا باسقا وبلىس ەكٸمدەرٸ, ولاردىڭ ورىنباسارلارىنا قاتىستى قىلمىستىق ٸس تٸركەلٸپ جاتىر. پرەزيدەنت بٸزدٸ سولارمەن جۇمىس ٸستەۋٸمٸز ٷشٸن تاعايىندادى. وسى باعىت بويىنشا جۇمىس ٸستەۋٸمٸز كەرەك. بارلىق دەپارتامەنت باسشىلارى مەكتەپتەرگە بارىپ جۇمىس جٷرگٸزدٸ. ٶزٸم دە ٷش مەكتەپكە, ۋنيۆەرسيتەتتەرگە بارىپ, تٷسٸندٸرۋ جۇمىستارىن جٷرگٸزدٸم. ەگەر مەكتەپتەن باستاپ وسىنداي جۇمىس جٷرگٸزەتٸن بولساق - قىلمىس ازايادى. كٶبٸ قىلمىستىق كودەكستٸڭ نە ەكەنٸن, قىلمىس جاساۋدىڭ سالدارى نە بولاتىنىن بٸلمەيدٸ», - دەيدٸ ول.
