Nurlan Áýesbaev Shortandy kentindegi sailaýshylarmen kezdesti

Búgin QR Prezidenttigine Jalpyulttyq sotsial-demokratiialyq partiiasy atynan kandidat Nurlan Áýesbaev Aqmola oblysy Shortandy kentinde sailaýshylarmen kezdesti, dep habarlaidy JSDP baspasóz qyzmeti.

Is-shara barysynda ol jinalǵan qaýymǵa óziniń sailaýaldy baǵdarlamasynyń basym baǵyttary jóninde baiandap berdi.

Qajetti infraqurylym joqtyǵy sekildi Qazaqstannyń birqatar óńirlerine tán másele Shortandyda da ózekti.

Nurlan Áýesbaevtyń pikirinshe, jaǵdaidy túzetý úshin jergilikti ózin-ózi basqarýdy kúsheitý kerek. Kandidat barlyq deńgeili depýtattardy bir mandattyq okrýgterden ǵana sailaý qajet dep esepteidi. Sol kezde ǵana halyq qalaýlylary sailaýaldy ýádelerinde turyp, jaýapkershilikti sezinetin bolady.

Onyń sózinshe, bilikte de ózgerister oryn alýy qajet. Qazaqstan parlamenttik-prezidenttik basqarý úlgisine ótýi tiis. Bul degenimiz prezidenttiń ókilettikteri tolyqtai qaita qarastyrylady.

Memleketti basqarýdaǵy basty ról parlamentke tiesili bolýy kerek. Zań shyǵarýshy organdy qaita jasaqtaý qajet. Depýtattardyń 50%-y partiia tizimderi boiynsha sailanýy qajet. Halyq qalaýlylarynyń teń jartysy bir mandattyq okrýgtardan quralýy tiis.