Aǵymdaǵy jyldyń 7 sáýirinde Astana qalasynyń Almaty aýdandyq №2 sotynda mańǵystaýlyq Oil Construction Company (OSS) munai servistik kompaniiasynyń eńbek inspektory Nurbek Qushaqbaevqa sot úkimi shyqty.
Nurbek Qushaqbaev qylmystyq kodekstiń 402-baptyń 2-bóligi, iaǵni "zańsyz ereýilge qatysýdy jalǵastyrýǵa arandatý" boiynsha aiypty dep tanyldy. Sýdia Aijan Kúlbaeva úkimdi jariia etý kezinde sottalýshynyń aiyby jinalǵan dálelder men kýágerlerdiń kýálikteri negizinde dáleldengenin aitty. Sot sheshimimen N. Qushaqbaev 2 jyl 6 aiyn jalpy rejimdegi túzeý koloniiasynda óteidi. Sondai-aq, ol 2 jyl merzimge deiin qoǵamdyq qyzmet atqarý quqyǵynan aiyryldy.
Qushaqbaevtyń ústinen túsken 25 199 717 teńge kólemindegi azamattyq talap aryz tolyq qanaǵattandyryldy.
Atalǵan soma ishinen 25,1 mln. teńge jábirlenýshi tarap «Tehnotreiding LTD» JShS paidasyna óndiriledi. 716 myń teńge sot shyǵyndaryna, al 54 myń teńge júrgizilgen saraptamalyq jumystarǵa jumsalady.
Quqyqtyq memlekette zań júzinde shyǵarylǵan sheshimdi elemeýge bolmaidy. Al Qushaqbaev myrza bolsa, úlken kásiporynnyń jumysyna kedergi keltirdi, onyń munaishylardan ashtyq aktsiiasyn jariialaýdy talap etkendiginen tseh jumysy jarty aidai múldem toqtap turdy. Bir sózben aitqanda, Qushaqbaev qarapaiym jumysshylardan zańdy eskermeýge talap etti. Kýágerlerdiń óz sózinde jáne dáleldi qujattarynda bunyń barlyǵy zańdy kórinis berdi.
