Foto: instagram.com/ayankhan_omarov_advocate
Qazaqstan Ishki ister ministriniń orynbasary Sanjar Ádilov Shymkent qalasynda qaza tapqan 21 jastaǵy stýdent Nurai Serikbaidyń ólimine qatysty qylmystyq is boiynsha jańa málimetterdi jariialady, dep habarlaidy Ult.kz.
Vitse-ministrdiń aitýynsha, atalǵan is boiynsha tergeý aiaqtalýǵa jaqyn. Tergeý aiasynda sot-psihiatriialyq saraptama júrgizilip, onyń qorytyndysy belgili boldy.
“Sot-psihiatriialyq saraptama nátijesine sáikes, aiyptalýshy esi durys dep tanyldy. Endi ol zań aldynda jaýap beredi”, – dedi Sanjar Ádilov.
Eske salaiyq, biyl qańtar aiynda Shymkentte 21 jastaǵy stýdenttiń qaza tabýyna qatysty qaiǵyly oqiǵa bolǵan edi. Resmi málimet boiynsha, kúdikti qyzǵa qatysty burynnan qýdalaý áreketterin jasap kelgen. Atalǵan faktiler boiynsha adam óltirý jáne stalking baptary boiynsha qylmystyq is qozǵalǵan.
Sonymen qatar, araǵa ýaqyt salyp kúdiktiniń ýaqytsha ustaý izoliatorynan psihiatriialyq mekemege aýystyrylǵany týraly aqparat marqumnyń týystary tarapynan túsinbeýshilik týdyrǵan. Qazir tergeý organdary istiń barlyq mán-jaiyn tolyq anyqtaýǵa kirisken.
