Shymkent qalalyq qylmystyq ister jónindegi mamandandyrylǵan aýdanaralyq soty kisi qolynan qaza tapqan Nurai Serikbaidyń isi boiynsha basty sot talqylaýyn bastady, dep habarlaidy ult.kz.
Sot talqylaýy aiyptalýshy Sherhan Aimahannan jaýap alýdan bastaldy.
Aiyptalýshy aiyppen múlde kelispeitinin, Nuraidy affekt jaǵdaida óltirip alǵanyn jetkizdi.
23 shilde kúni Nurai Serikbaidyń ólimine qatysty is boiynsha sottyń aldyn ala tyńdaýy ótken. Prokýror aiyptaý aktisin jariialap, aiyptalýshyǵa taǵylǵan aiyptardy baiandaǵan. Tergeý málimetinshe, kúdikti qyzdy erkinen tys alyp qashqan, uzaq ýaqyt ańdyp, keide eki saǵattyń ishinde 76 ret qońyraý shalǵan. Saiabaqqa barýǵa kelispegeni úshin 35 jerinen pyshaqtap tastaǵan.
Aita keteiik, qandy oqiǵa 11 qańtar kúni keshke bolǵan. Úiinen dúkenge shyqqan 21 jastaǵy Nurai Serikbaidy tanysy ustap alyp, pyshaqtap, oqiǵa ornynan qashyp ketken.
