Shymkentte 21 jastaǵy Nurai Serikbaidyń ólimine qatysty qylmystyq is boiynsha tergeý aiaqtaldy. Bul týraly marqumnyń otbasynyń advokaty Aianhan Omarov málimdedi, dep habarlaidy ult.kz.
Advokattyń aitýynsha, jábirlenýshi tarap pen olardyń qorǵaýshylary qylmystyq istiń alǵashqy jeti tomymen tanysyp, qajetti kóshirmelerin alǵan.
«Nuraidyń isi boiynsha tergeý áreketteri aiaqtaldy. Búgingi kúnge deiin jábirlenýshi tarap pen olardyń advokaty qylmystyq istiń 1-7 tomdarymen tanysyp, kóshirmelerin aldyq. Qazirgi ýaqytta qylmystyq is materialdarymen tanysý jalǵasyp jatyr», – dep jazdy ol áleýmettik jelidegi paraqshasynda.
Onyń sózinshe, qylmystyq protsess qatysýshylary zańda kózdelgen quqyqtaryn tolyq paidalanǵannan keiin is sotqa joldanady.
Qazirgi tańda taraptar is materialdaryn zerdeleýdi jalǵastyryp jatyr.
