Nurai Serikbaidyń advokaty Aianhan Omarov mańyzdy málimdeme jasady, dep habarlaidy ult.kz.
Onyń sózinshe, áleýmettik jelide marqum Nurai Serikbaidy sógetinder de bar eken.
Sondai adamdardyń biri kisi qolynan qaza tapqan Nurai Serikbaidyń atyna ersi sózder jazǵan.
«Instagram-daǵy Nurai Serikbaidyń isine qatysty qorlaityn pikir qaldyrǵan akkaýnt iesin anyqtaý jáne zań aiasynda jaýapqa tartý týraly QR IIM Kiberqylmysqa qarsy is-qimyl departamentine resmi aryz joldandy. Áleýmettik jelidegi anonimdilik jaýapkershilikten bosatpaidy», - dep jazdy advokat.
Buǵan deiin Nurai Serikbaidyń týystary tergeý jumysyna qatysty narazylyq bildirgen edi. Is materialdarymen tanysqannan keiin olar men advokattary eleýli zańbuzýshylyqtar anyqtalǵanyn aityp, materialdardy qosymsha tergeýge qaitarýdy suraǵan.
Sondai-aq marqumnyń jaqyndary is sotqa joldanǵan kezde aiyptyń keibir baptary alynyp tastalýy múmkin dep alańdap otyr.
Qazirgi ýaqytta 28 jastaǵy kúdiktige asa qatygezdikpen adam óltirý, stalking jáne nekege turýǵa májbúrleý baptary boiynsha aiyp taǵylǵan.
Eske salaiyq, 21 jastaǵy Nurai Serikbai 11 qańtar kúni keshke Shymkentte qaza tapqan. Tergeý nusqasyna qaraǵanda, kúdikti qyzdy dúkenniń janynda ańdyp kútip, kúshpen ustap turǵan, oǵan birneshe ret pyshaq suǵyp, keiin oqiǵa ornynan boi tasalaǵan.
