Nur-Sultannyń Esil aýdany ekige bólinedi. Qala ákimi Altai Kólginovtiń aitýynsha, ózgerister jaqyn arada júzege asady dep josparlanǵan, - dep habarlaidy Tengrinews.kz agenttigi.
"Jaqyn arada Esil aýdanyn eki aýdanǵa bólýge týra keledi. Dál osy Esil aýdanynda jyl saiyn turǵyndar sany artyp keledi. Óitkeni jańa turǵyn úi keshenderi negizinen osy aýdanda salynyp jatyr. Sońǵy úsh jylda 100 myńnan asa adam tirkelgen. Elimizdiń oblystaryn alyp qarasańyz, bul - bes aýdan. Esil aýdany ashylǵanda 68 myń adam bolsa, qazir 350 myńǵa jýyqtap qaldy. Jaqyn arada 400 myń nemese odan da kóp bolady", - dep túsindirdi Altai Kólginov Ortalyq kommýnikatsiialar qyzmetinde ótken brifingte.
Ákimniń aitýynsha, ákimshilik basqarý yńǵaily bolýy úshin aýdandy bólýge týra keledi.
