Nur-Sultanda Qoǵamdyq keńes otyrysynda 2022-2024 jyldarǵa arnalǵan qala biýdjetiniń jobasy talqylandy, dep habarlaidy QazAqparat.
Biýdjetti naqtylaý kirister boiynsha túsimder josparynyń 62,3 mlrd teńgege ulǵaiýyn, sondai-aq respýblikalyq biýdjet parametrleriniń ózgerýin eskere otyryp júrgiziledi.
«Qosymsha kiristerdiń negizgi kózderi – 51 mlrd teńge somasyndaǵy salyq túsimderi bolyp otyr, onyń ishinde KTS boiynsha birjolǵy túsimder esebinen 31 mlrd teńgege, JTS boiynsha 6 mlrd teńgege ulǵaitý usynylady. Eńbekaqy tóleý qorynan salyqtar jinaýynyń turaqty ósý serpini JTS boiynsha túsimderdi 23%-ǵa, áleýmettik salyq boiynsha túsimderdi 21%-ǵa ulǵaitýǵa múmkindik berdi. Tiisinshe, jospar 8 jáne 6 mlrd teńgege artylǵan, aiyppul boiynsha naqty bir rettik túsimder 2 mlrd teńgeni, páter satý – 5 mlrd teńgeni, ózge túsimder 4,3 mlrd teńgeni qurady», - dedi qalalyq Strategiia jáne biýdjettik josparlaý basqarmasynyń basshysy mindetin atqarýshy Aijan Túgelbaeva.
Onyń aitýynsha, respýblikalyq biýdjetten qalaǵa aldyn ala 78,2 mlrd teńge bólindi. Onyń ishinde investitsiialyq jobalardy iske asyrýǵa 72,2 mlrd teńge, basqa shyǵystarǵa 6 mlrd teńge baǵyttaý josparlanýda.
Qarajatty áleýmettik salany, bilim berýdi qoldaýǵa, joldardy jóndeýge, nóser káriziniń jumys isteýine, qalany abattandyrýǵa, kógaldandyrýǵa, turǵyn úi keshenderin salýǵa, buqaralyq sportty damytýǵa, mádeniet salasynda is-sharalar ótkizýge jumsaý josparlanýda.
