Nur-Sultan qalasynyń Uly dala kóshesi men Qabanbai batyr dańǵyly qiylysyndaǵy jol apatyna sebepker bolyp, qaza tapqan avtobýs júrgizýshisi mas bolmaǵan, jolǵa shyǵar aldynda deni saý bolatyn, dep habarlady "Astana LRT" AQ baspasóz qyzmeti.
"Rastalǵan derekterge súiensek, 1966 jyly týǵan avtobýs júrgizýshisi jol apaty kezinde mas bolmaǵan, qoǵamdyq kólikti aidap kele jatyp uialy telefon paidalanbaǵan. Jelige shyǵar aldynda júrgizýshiniń jaǵdaiy qanaǵattandyrarlyq edi (qan qysymy 110/70), ol meditsinalyq tekserýden ótkennen soń ǵana kólikti júrgizýge ruqsat aldy", - dep habarlady "Astana LRT" baspasóz hatshysy Naýat Azanbaeva.
Onyń aitýynsha, jelige shyǵar kezde avtobýsta eshqandai aqaý bolmapty, tehnikalyq talaptarǵa sai bolatyn.
Eske sala ketsek, búgin Nur-Sultan qalasynda úsh avtobýs, jedel járdem kóligi jáne jeńil kólik jantúrshigerlik apatqa ushyrady. Oqiǵa saldarynan 53 jastaǵy avtobýs júrgizýshisi men 26 jastaǵy jolaýshy qyz qaza tapqan. Taǵy 27 jolaýshy zardap shekti.
