Nur-Sultan qalasynda kólik júrgizýshileri tóbelesip qaldy. Jelide janjaldyń videosy tarady, dep habarlaidy Sputnik Qazaqstan.
Qalalyq politsiia departamenti usynǵan málimetke sáikes, 21 mamyrda áleýmettik jelige monitoring jasaý kezinde Chevrolet jáne Gaz-330252 júrgizýshileri arasynda bolǵan tóbelestiń videosy anyqtalǵan. Bul oqiǵa Jeńis pen Seifýllin kósheleriniń qiylysynda bolǵan.
"Saryarqa aýdandyq politsiia basqarmasy Qylmystyq kodekstiń 293-baby (Buzaqylyq) boiynsha sotqa deiingi tergeý sharalaryn bastady. Tóbeleske qatysqandardyń barlyǵy ustaldy", - deidi politseiler.
Aita keteri, buzaqylyq úshin 2 000 ailyq eseptik kórsetkishke (6 126 000 teńge) deiingi mólsherde aiyppul salý ne sol mólsherde túzeý jumystaryna nemese 600 saǵatqa deiingi merzimge qoǵamdyq jumystarǵa tartý ne eki jylǵa deiingi merzimge bas bostandyǵyn shekteý nemese sol merzimge bas bostandyǵynan aiyrý jazasy qarastyrylǵan.
