Elordadaǵy «Nursultan Nazarbaev» halyqaralyq áýejaiynda oq atylǵany týraly aqparat tarady, dep habarlaidy "Ult aqparat".
Áleýmettik jelilerde «3 jeltoqsan kúni «Nursultan Nazarbaev» halyqaralyq áýejaiynyń Ushý saparlaryn órtten jáne apattan qutqarýdy qamtamasyz etý qyzmetiniń ǵimaratynda aviatsiialyq qaýipsizdik qyzmeti inspektory qarý tekserip jatqanda qarý ózdiginen atylyp ketip, úsh inspektor jaraqat aldy» degen aqparat tarady.
Halyqaralyq áýejaida oq atylǵanyn Kóliktegi politsiia departamentiniń baspasóz qyzmeti rastady.
«Atalǵan fakt QR Qylmystyq kodeksiniń 114-baby 3-bóligi boiynsha (densaýlyqqa abaisyzda jaraqat keltirý) Nur-Sultan qalasyndaǵy áýejaidyń politsiia jelilik bóliminiń tergeý boiynsha biryńǵai reestrine tirkeldi. Tergeý júrip jatyr», - dep habarlady politsiia departamentiniń baspasóz qyzmetinen.
