Elordada arnaiy operatsiia barysynda esirtki satýshylardan quralǵan qylmystyq top ustaldy, dep habarlaidy "Ult aqparat" Nur-Sultan politsiia basqarmasynyń baspasóz qyzmetine silteme jasap.
«Qarasora-2020» jedel aldyn alý sharalary barysynda esirtkiniń zańsyz ainalymynyń turaqty kanaly joiylyp, elordaǵa esirtki jetkizip, satyp kelgen qylmystyq toptyń is-áreketterine tosqaýyl qoiyldy. Bul týraly Nur-Sultan qalalyq PD esirtki qylmysyna qarsy kúres basqarmasynyń bastyǵy, politsiia polkovnigi Oljas Jarylǵapov málim etti.
«Aldymen esirtki satyp, buryn sotty bolǵan 27 jastaǵy kúdikti elorda aýmaǵynda dál osyndai qylmyspen qaita ustaldy. Onyń kóligin tintý kezinde ustalǵan adam satýǵa daiyndaǵan, jalpy salmaǵy 500 gramnan asatyn, oralǵan gashish salynǵan sirińke qoraptary tárkilendi. Sondai-aq, kóliktiń ishinde buryn sottalǵan 24 jastaǵy azamat bolǵan. Odan da tekserý kezinde gashish tárkilendi. Olarmen qatar politsiia qyzmetkerleri elordaǵa esirtkini jetkizip turǵan negizgi tasymaldaýshy ustaldy. Ol – buryn sotty bolǵan Jambyl oblysynyń 34 jastaǵy turǵyny bolyp shyqty. Onyń páterin tintý barysynda oqtary bary travmatikalyq qarý, esirtki sebilgeni anyqtalǵan elektrondy salmaq ólsheýish jáne esirtki qabyldaýǵa arnalǵan qural tabyldy. Sondai-aq 2 million 150 myń teńgelik qolma-qol aqsha, gashish oralǵan úsh polietilendi paket, satylýǵa daiyn esirtki toltyrylǵan 265 sirińke qoraby tárkilendi, - deidi Oljas Jarylǵapov.
Arnaiy operatsiiany júrgizý barysynda zańsyz ainalymnan 6 keli esirtki (3 myń rettik gashish dozasy – qara naryqtaǵy baǵasy 9 mln teńge) alyndy.
Qazir ustalǵan adamdar Qylmystyq kodekstiń 296-baby 4-bóligi jáne 297-baby 3-bóligi boiynsha qylmystyq jaýapkershilikke tartylyp jatyr. Kinálary dáleldengen jaǵdaida olar 7 jyldan 25 jylǵa deiin bas bostandyǵynan aiyrylýy múmkin.
