Elordadaǵy «Han Shatyr» saýda, oiyn-saýyq ortalyǵynda mektep oqýshysynyń basseinge batyp ketý oqiǵasyna qatysty qylmystyq is qozǵaldy. Bul týraly búgin QR Ishki ister ministri Erlan Turǵymbaev aitty, dep habarlaidy "Ult aqparat".
«Keshe qylmystyq is qozǵaldy. Negizinde ol jerde mektep uiymdastyrǵan balalardyń jazǵy lageri bolǵan. Keshe basseinge 30 bala sýǵa túsken. Qyz bala batyp ketip, qaiǵyly oqiǵa oryn aldy. Dál sol ýaqytta qutqarýshy qaida bolǵanyn, nelikten ol der ýaqytynda shara qabyldamaǵanyn qazir anyqtap jatyrmyz. Uiymdastyrýshylardyń da jaýapkershiligi máselesi kóterilýde. «Nelikten olar sol jerde balalar lagerin uiymdastyrdy, nege qaýipsizdik sharalaryn uiymdastyrmady?» degen másele de qarastyrylyp jatyr», - dedi ministr Úkimet otyrysynan keiin BAQ ókilderine bergen suhbatynda.
Onyń aitýynsha, qazirgi ýaqytta basseindegi barlyq beinebaqylaý kameralarynyń jazbalary zerdelenip jatyr. «Sot-meditsinalyq saraptama da júrgizilý ústinde», - dedi Erlan Turǵymbaev.
Buǵan deiin elordadaǵy «Han Shatyr» SOSO basseininde qyz bala sýǵa ketip, tergeý amaldarynyń júrgizilip jatqanyn habarlaǵan edik.
