ەلورداداعى «حان شاتىر» ساۋدا, ويىن-ساۋىق ورتالىعىندا مەكتەپ وقۋشىسىنىڭ باسسەينگە باتىپ كەتۋ وقيعاسىنا قاتىستى قىلمىستىق ٸس قوزعالدى. بۇل تۋرالى بٷگٸن قر ٸشكٸ ٸستەر مينيسترٸ ەرلان تۇرعىمباەۆ ايتتى, دەپ حابارلايدى "ۇلت اقپارات".
«كەشە قىلمىستىق ٸس قوزعالدى. نەگٸزٸندە ول جەردە مەكتەپ ۇيىمداستىرعان بالالاردىڭ جازعى لاگەرٸ بولعان. كەشە باسسەينگە 30 بالا سۋعا تٷسكەن. قىز بالا باتىپ كەتٸپ, قايعىلى وقيعا ورىن الدى. دەل سول ۋاقىتتا قۇتقارۋشى قايدا بولعانىن, نەلٸكتەن ول دەر ۋاقىتىندا شارا قابىلداماعانىن قازٸر انىقتاپ جاتىرمىز. ۇيىمداستىرۋشىلاردىڭ دا جاۋاپكەرشٸلٸگٸ مەسەلەسٸ كٶتەرٸلۋدە. «نەلٸكتەن ولار سول جەردە بالالار لاگەرٸن ۇيىمداستىردى, نەگە قاۋٸپسٸزدٸك شارالارىن ۇيىمداستىرمادى?» دەگەن مەسەلە دە قاراستىرىلىپ جاتىر», - دەدٸ مينيستر ٷكٸمەت وتىرىسىنان كەيٸن باق ٶكٸلدەرٸنە بەرگەن سۇحباتىندا.
ونىڭ ايتۋىنشا, قازٸرگٸ ۋاقىتتا باسسەيندەگٸ بارلىق بەينەباقىلاۋ كامەرالارىنىڭ جازبالارى زەردەلەنٸپ جاتىر. «سوت-مەديتسينالىق ساراپتاما دا جٷرگٸزٸلۋ ٷستٸندە», - دەدٸ ەرلان تۇرعىمباەۆ.
بۇعان دەيٸن ەلورداداعى «حان شاتىر» سوسو باسسەينٸندە قىز بالا سۋعا كەتٸپ, تەرگەۋ امالدارىنىڭ جٷرگٸزٸلٸپ جاتقانىن حابارلاعان ەدٸك.
