Nur-Sultanda koronavirýs infektsiiasyn juqtyrǵan naýqastarǵa arnalǵan aýrýhananyń qurylysy aiaqtaldy, dep habarlaidy Sputniknews.kz agenttigi.
Qarqyndy terapiia bólmelerine jasandy tynys alý apparaty ornatylyp jatyr.
Aýrýhana fotosyn BI Group kompaniiasy direktorlar keńesiniń tóraǵasy Aidyn Rahymbaev jariialady.
"Jaqyn kúnderi meditsina qyzmetkerlerimen birge qurylǵylardy baptap, aýrýhanany dárigerlerge tapsyramyz. Dárigerler qaýipsiz tehnologiia men qaýipsiz aimaqqa qatty qýanyp otyr. Endi olar aýrý juqtyrmaidy", - dep jazdy ol.
Sonymen qatar Rahymbaev jaqynda Almatydaǵy aýrýhananyń qurylysy aiaqtalatynyn habarlady.
Elordada infektsiialyq aýrýhana qurylysy besinshi sáýirde bastaldy. Bul nysandy salý barysynda myńǵa jýyq adam jumys istedi. Qurylysqa nemis tehnologiiasy boiynsha jańa zaýyttan shyǵarylatyn modýldik blok qoldanyldy.
Almatydaǵy aýrýhanaǵa Atyraýdan turǵyn úi blogy jetkizildi. Ol munai salasynda qyzmet etetin kompaniia injenerlerine arnalǵan bolatyn.
Shymkentte Ózbekstannyń tájiribesi qoldanylady. Ol jaqta konteinerlerden aýrýhana salý týraly sheshim qabyldandy.
