Tanymal ánshi Jiger Aýypbaev pen onyń jary Mýminanyń TikTok jelisindegi videolary qyzý talqyǵa tústi. Erli-zaiyptylardyń jeke ómiri men erli-zaiyptylyq qarym-qatynasqa qatysty ashyq áńgimeleri keibir jeli qoldanýshylarynyń narazylyǵyn týdyrdy, dep habarlaidy ult.kz.

Ásirese olardyń tikelei efirlerde qozǵaityn taqyryptary synǵa ushyraǵan. Pikir bildirýshiler mundai kontentti kámeletke tolmaǵan balalar da kóretinin aityp, áleýmettik jelide belgili bir ádep normalary saqtalýy kerektigin alǵa tartqan.

“Mundai videolardy balalar da kóredi”, “Otbasynyń jeke ómirin kópshilikke jariialaýdyń qajeti qansha?”, “Haip úshin shekten shyqpaý kerek” degen saryndaǵy pikirler aitylýda.

Keibir qoldanýshylar mundai efirlerge shekteý qoiý qajet dep eseptese, endi biri áleýmettik jelide qandai taqyrypty talqylaý ár adamnyń jeke tańdaýy ekenin alǵa tartady.

Aita keteiik, Jiger Aýypbaev jarymen qalai tanysqanyn aitty.

Jiger Aýypbaev kim?

Jiger Aýypbaev – qazaqstandyq estrada ánshisi, burynǵy “Melomen” tobynyń múshesi. Ol 1987 jyly 3 mamyrda Almaty oblysy Raiymbek aýdanyna qarasty Kegen aýylynda dúniege kelgen. Bala kezinen mýzykaǵa qyzyǵýshylyq tanytyp, óner jolyn tańdaǵan.

2005 jyly mektepti támamdaǵan soń Júsipbek Elebekov atyndaǵy estrada jáne tsirk kolledjine oqýǵa túsken. Munda vokal, akterlik sheberlik jáne sahna mádenieti boiynsha bilim alǵan.

2007 jyly Qairat Myrzahanov, Rolan Qazretov jáne Ǵabit Ábildaevpen birge “Melomen” tobyn qurǵan. Ujymnyń “O, mahabbat”, “Arman shaǵala”, “Keledi kezdeskim” ánderi kópshilikke tanyldy. 2009 jyly top respýblikalyq “Jas qanat” baiqaýynda júldeli oryn ielendi.

2017 jyldan bastap Jiger Aýypbaev jeke shyǵarmashylyqpen ainalysa bastady. Onyń repertýarynda “Joǵal ári”, “Ulyń maǵan uqsaǵan”, “Kókjaldar rýhy”, “Kishkentai qyz” jáne “Jaman dosym” siiaqty ánder bar. Óner iesi negizinen mahabbat, saǵynysh, dostyq jáne ómir týraly lirikalyq shyǵarmalardy oryndaidy.

Ánshi jeke ómirine qatysty jańalyqtarymen de kópshiliktiń nazaryn aýdaryp júr. 2026 jyly ol súiiktisi Mýminany jurtshylyqqa tanystyryp, keiin ekeýiniń otbasylyq ómirine qatysty beinejazbalar áleýmettik jelide talqylandy.

Jiger Aýypbaev búginde jeke shyǵarmashylyǵyn jalǵastyryp, qazaq estradasynda óner kórsetip keledi.