نۇر-سۇلتاندا كوروناۆيرۋس ينفەكتسيياسىن جۇقتىرعان ناۋقاستارعا ارنالعان اۋرۋحانانىڭ قۇرىلىسى اياقتالدى, دەپ حابارلايدى Sputniknews.kz اگەنتتٸگٸ.
قارقىندى تەراپييا بٶلمەلەرٸنە جاساندى تىنىس الۋ اپپاراتى ورناتىلىپ جاتىر.
اۋرۋحانا فوتوسىن BI Group كومپانيياسى ديرەكتورلار كەڭەسٸنٸڭ تٶراعاسى ايدىن راحىمباەۆ جارييالادى.
"جاقىن كٷندەرٸ مەديتسينا قىزمەتكەرلەرٸمەن بٸرگە قۇرىلعىلاردى باپتاپ, اۋرۋحانانى دەرٸگەرلەرگە تاپسىرامىز. دەرٸگەرلەر قاۋٸپسٸز تەحنولوگييا مەن قاۋٸپسٸز ايماققا قاتتى قۋانىپ وتىر. ەندٸ ولار اۋرۋ جۇقتىرمايدى", - دەپ جازدى ول.
سونىمەن قاتار راحىمباەۆ جاقىندا الماتىداعى اۋرۋحانانىڭ قۇرىلىسى اياقتالاتىنىن حابارلادى.
ەلوردادا ينفەكتسييالىق اۋرۋحانا قۇرىلىسى بەسٸنشٸ سەۋٸردە باستالدى. بۇل نىساندى سالۋ بارىسىندا مىڭعا جۋىق ادام جۇمىس ٸستەدٸ. قۇرىلىسقا نەمٸس تەحنولوگيياسى بويىنشا جاڭا زاۋىتتان شىعارىلاتىن مودۋلدٸك بلوك قولدانىلدى.
الماتىداعى اۋرۋحاناعا اتىراۋدان تۇرعىن ٷي بلوگى جەتكٸزٸلدٸ. ول مۇناي سالاسىندا قىزمەت ەتەتٸن كومپانييا ينجەنەرلەرٸنە ارنالعان بولاتىن.
شىمكەنتتە ٶزبەكستاننىڭ تەجٸريبەسٸ قولدانىلادى. ول جاقتا كونتەينەرلەردەن اۋرۋحانا سالۋ تۋرالى شەشٸم قابىلداندى.
