Ótken demalys kúnderi elordada karantin rejimin buzǵan 10 nysan anyqtaldy. Bul týraly Nur-Sultan qalalyq Politsiia departamentinen málim etti, dep habarlaidy "Ult aqparat".
Vedomstvo aqparatyna sáikes, quramynda ákimdiktiń, Nur-Sultan qalalyq Sanitariialyq-epidemiologiialyq baqylaý departamentiniń ókilderi, politsiia qyzmetkerleri bar mobildi top karantin sharalarynyń saqtalýyn qadaǵalaý úshin júzden astam kásipkerlik sýbektisin tekserip shyqqan. Nátijesinde karantin rejimin buzǵan meiramhana, dámhana-bar, dúken syndy 10 nysandy anyqtaǵan.
«Atap aitqanda, Balqantaý kóshesi boiyndaǵy «Baqsarai» meiramhanasyn tekserý barysynda eki kún qatarynan 50 jasqa tolý mereitoiy men úilený toiynyń ótkeni anyqtaldy. Birinshi kúni qoldanystaǵy tyiymǵa qaramastan, meirahana zaly qonaqtarǵa lyq toly bolǵan jáne karantin sharalary saqtalmaǵan. 80-nen astam qonaq án salyp, bi bilep, shekteýlerdi elemei kóńil kótergen. Ekinshi kúni de dál osy jerde úilený toiy ótip jatqan. Mobildi top kelgennen keiin toiǵa jinalǵandar tez arada tarap ketti», - delingen departament aqparatynda.
Shekteý sharalaryn buzǵandardyń ústinen material jinaqtalyp, QR Ákimshilik quqyq buzýshylyq týraly kodekstiń 425-babymen olardy jaýapqa tartý úshin qalalyq Sanitariialyq-epidemiologiialyq baqylaý departamentine jiberildi.
