ٶتكەن دەمالىس كٷندەرٸ ەلوردادا كارانتين رەجيمٸن بۇزعان 10 نىسان انىقتالدى. بۇل تۋرالى نۇر-سۇلتان قالالىق پوليتسييا دەپارتامەنتٸنەن مەلٸم ەتتٸ, دەپ حابارلايدى "ۇلت اقپارات".
ۆەدومستۆو اقپاراتىنا سەيكەس, قۇرامىندا ەكٸمدٸكتٸڭ, نۇر-سۇلتان قالالىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ ٶكٸلدەرٸ, پوليتسييا قىزمەتكەرلەرٸ بار موبيلدٸ توپ كارانتين شارالارىنىڭ ساقتالۋىن قاداعالاۋ ٷشٸن جٷزدەن استام كەسٸپكەرلٸك سۋبەكتٸسٸن تەكسەرٸپ شىققان. نەتيجەسٸندە كارانتين رەجيمٸن بۇزعان مەيرامحانا, دەمحانا-بار, دٷكەن سىندى 10 نىساندى انىقتاعان.
«اتاپ ايتقاندا, بالقانتاۋ كٶشەسٸ بويىنداعى «باقساراي» مەيرامحاناسىن تەكسەرۋ بارىسىندا ەكٸ كٷن قاتارىنان 50 جاسقا تولۋ مەرەيتويى مەن ٷيلەنۋ تويىنىڭ ٶتكەنٸ انىقتالدى. بٸرٸنشٸ كٷنٸ قولدانىستاعى تىيىمعا قاراماستان, مەيراحانا زالى قوناقتارعا لىق تولى بولعان جەنە كارانتين شارالارى ساقتالماعان. 80-نەن استام قوناق ەن سالىپ, بي بيلەپ, شەكتەۋلەردٸ ەلەمەي كٶڭٸل كٶتەرگەن. ەكٸنشٸ كٷنٸ دە دەل وسى جەردە ٷيلەنۋ تويى ٶتٸپ جاتقان. موبيلدٸ توپ كەلگەننەن كەيٸن تويعا جينالعاندار تەز ارادا تاراپ كەتتٸ», - دەلٸنگەن دەپارتامەنت اقپاراتىندا.
شەكتەۋ شارالارىن بۇزعانداردىڭ ٷستٸنەن ماتەريال جيناقتالىپ, قر ەكٸمشٸلٸك قۇقىق بۇزۋشىلىق تۋرالى كودەكستٸڭ 425-بابىمەن ولاردى جاۋاپقا تارتۋ ٷشٸن قالالىق سانيتارييالىق-ەپيدەميولوگييالىق باقىلاۋ دەپارتامەنتٸنە جٸبەرٸلدٸ.
