Elordada «Saryarqada» saýda, oiyn-saýyq ortalyǵynda koronavirýs infektsiiasyna qarsy vaktsinalaý pýnkti ashyldy, dep habarlaidy "Ult aqparat" qala ákimdigine silteme jasap.
«Saýda ortalyqtarynda vaktsinatsiia pýnkterin uiymdastyrý jurt arasynda ekpege degen suranysty kórsetedi. Qazirgi ýaqytta qaladaǵy 9 saýda kesheninde 15 myńǵa jýyq adam vaktsina aldy. Qala turǵyndary úiine, jumysyna jaqyn jerde egý pýnkterin ashý týraly jii júginedi. Osylaisha, biz halyqqa yńǵaily bolý úshin qalanyń barlyq iri saýda núktelerin qamtyp otyrmyz», - dep atap ótti Qoǵamdyq densaýlyq saqtaý basqarmasynan.
Qala boiynsha vaktsinanyń birinshi komponentin 132 myńnan astam adam aldy.
«Saryarqa» SOO-daǵy egý pýnkti ekinshi qabattaǵy eskalatordyń oń jaǵynda ornalasqan. Jumys kestesi vaktsinatsiia kabinetteri uiymdastyrylǵan ózge SOO-larǵa uqsas – saǵat 10:00-den 22:00-ge deiin.
Búginde elordada «Mega Silk Way», «Keruen», «Han Shatyr», «Abý-Dabi Plaza», «Aziia Park» saýda, oiyn-saýyq ortalyqtarynda, «Big Shanhai» saýda kesheninde, ortalyq bazarda, «Álem» jáne «Astanalyq» saýda ortalyqtarynda vaktsinatsiia pýnkteri jumys istep tur.
Vaktsinatsiia pýnkteriniń keńeiýine bailanysty bastapqy meditsinalyq-sanitarlyq kómek uiymdarynyń jumys ýaqyty qysqaryp, 08:00-22:00 aralyǵyna belgilense, SOO-lar úshin jumys tártibi ózgerissiz qalady – saǵat 10:00-den 22:00-ge deiin.
Sondai-aq, halyqtyń joǵary belsendiligin eskere otyryp, Qoǵamdyq densaýlyq saqtaý basqarmasy kóshpeli brigadalar uiymdastyryp, eńbek ujymdaryn jappai vaktsinalap jatyr.
