Nur-Sultanda PTR-testiler, ókpeni jasandy jeldetý jáne kompiýterlik tomografiia apparattary qosymsha satyp alynady, dep habarlaidy "Ult aqparat".
«Búgin elorda ákimi Altaĭ Kólginov QR Densaýlyq saqtaý ministriniń mindetin atqarýshy Lázzat Aqtaevamen, jaýapty hatshy Botagóz Jaqselekovamen, vitse-ministr Liýdmila Biýrabekovamen, sondaĭ-aq zerthanalardyń, «SK-Farmatsiia» kompaniiasynyń ókilderimen, sanitarlyq dárigerlermen onlaĭn-keńes ótkizdi. Ákimdik pen Densaýlyq saqtaý ministrligi Jol kartasyn bekitti», - delingen elorda ákimdiginiń Instagram-daǵy paraqshasynda.
Málim etilgendei, infektsiiany juqtyrǵandarǵa ýaqtyly kómek kórsetý úshin qala aýrýhanalarynda qosymsha 720 oryn daĭyndaldy. Áskeri gospital jáne ózge de meditsinalyq mekemeler statsionar retinde jasaqtalady.
112 myńnan astam jeke qorǵaný quraldary satyp alyndy.
Sonymen birge osy aĭda statsionarlarǵa ókpeni jasandy jeldetetin 30 apparat jetkiziletin bolady. Keiin qosymsha taǵy 200 apparat satyp alynady.
«Sonymen qatar PTR-testileý boĭynsha mobildi top qurylady. Densaýlyq saqtaý basqarmasy PTR-testilerdi jinaý jáne óńdeý boĭynsha zerthanalarda jumys isteý úshin meditsinalyq qyzmetkerlerdi oqytady.
Elorda ákimi Altaĭ Kólginov koronavirýsqa qarsy kúreste qoldanylatyn meditsinalyq preparattar men jabdyqtardyń qoryn der kezinde tolyqtyrý qajettigin atap ótti», - delingen aqparatta.
