Nur-Sultan qalasynyń qylmystyq ister jónindegi mamandandyrylǵan aýdanaralyq soty jańa týǵan sábiin óltirý qylmysyna kináli dep tanylǵan elorda turǵyny, azamatsha S-ǵa qatysty aiyptaý úkimin shyǵardy. Bul týraly Nur-Sultan qalalyq soty málim etti, dep habarlaidy "Ult aqparat".
Qalalyq sot málimetinshe, 2020 jyldyń 22 tamyzynda azamatsha S. páterinde bala týǵan.
Osydan keiin psihologiialyq aýytqýǵa ushyraǵan ol sábiin tunshyqtyryp óltirgen.
Sot azamatsha S-nyń is-áreketin qorqý sátindegi psihologiialyq aýytqý jaǵdaiynda ananyń óz balasyn óltirýi retinde jiktedi.
Óitkeni, ol óz kúshimen jýynatyn bólmede bosanǵan. Al kórshi bólmede aǵasy, enesi jáne anasy bolǵan.
Onyń mundai jai-kúiin sot psihologiialyq-psihatriialyq saraptama qorytyndysy men sarapshylardyń kýáligi de naqtylaǵan.
«S. ortasha aýyr qylmys jasaǵanyn, jasaǵan is-áreketine ókingenin, densaýlyǵynyń jai-kúiin (1 sanattaǵy diabet, semizdik, 140 keli) eskergen sot onyń bas bostandyǵyn 2 jylǵa shektedi» delingen qalalyq sot taratqan aqparatta.
