Elordalyq órt sóndirýshiler ot sharpyǵan ǵimarattan 4 adamdy qutqardy, dep habarlaidy QazAqparat.
Qalalyq tótenshe jaǵdailar departamenti taratqan málimetke sensek, 9 jeltoqsan kúni saǵat 18:14 shamasynda elordalyq órt sóndirý qyzmetiniń «101» pýltine Almaty aýdany Buqtyrma, 38 mekenjaiynda ornalasqan 3 qabatty qonaq úi kesheninde órt shyqqany týraly habar túsken.
Tilsiz jaý keshenniń jertólesinde ornalasqan saýnadan shyqqan.
Órt sóndirý barysynda qutqarýshylardyń úilesimdi ári jedel jumysynyń arqasynda 4 adam, onyń ishinde 3 bala qutqarylyp, 7 adam evakýatsiialandy.
Jalyn sharpyǵan aýmaq 80 sharshy metrdi quraǵan.
Órttiń sebepteri anyqtalyp jatyr.
Bul jumysqa elordalyq TJD 6 tehnikasy men jeke quramynan 27 adam jumyldyrylǵan.
