ەلوردالىق ٶرت سٶندٸرۋشٸلەر وت شارپىعان عيماراتتان 4 ادامدى قۇتقاردى, دەپ حابارلايدى قازاقپارات.
قالالىق تٶتەنشە جاعدايلار دەپارتامەنتٸ تاراتقان مەلٸمەتكە سەنسەك, 9 جەلتوقسان كٷنٸ ساعات 18:14 شاماسىندا ەلوردالىق ٶرت سٶندٸرۋ قىزمەتٸنٸڭ «101» پۋلتٸنە الماتى اۋدانى بۇقتىرما, 38 مەكەنجايىندا ورنالاسقان 3 قاباتتى قوناق ٷي كەشەنٸندە ٶرت شىققانى تۋرالى حابار تٷسكەن.
تٸلسٸز جاۋ كەشەننٸڭ جەرتٶلەسٸندە ورنالاسقان ساۋنادان شىققان.
ٶرت سٶندٸرۋ بارىسىندا قۇتقارۋشىلاردىڭ ٷيلەسٸمدٸ ەرٸ جەدەل جۇمىسىنىڭ ارقاسىندا 4 ادام, ونىڭ ٸشٸندە 3 بالا قۇتقارىلىپ, 7 ادام ەۆاكۋاتسييالاندى.
جالىن شارپىعان اۋماق 80 شارشى مەتردٸ قۇراعان.
ٶرتتٸڭ سەبەپتەرٸ انىقتالىپ جاتىر.
بۇل جۇمىسقا ەلوردالىق تجد 6 تەحنيكاسى مەن جەكە قۇرامىنان 27 ادام جۇمىلدىرىلعان.
