34 jastaǵy áiel 9 qala turǵynynyń senimine kirip, aldap soqqan. Alaiaq olarǵa memlekettik baǵdarlama boiynsha turǵyn úi kezegin jyljytýǵa kómek beremin dep ýáde etken. Óziniń «qyzmeti» úshin árqaisysynan 2-den 3 mln-ǵa deiin aqsha alǵan, dep habarlaidy "Ult aqparat" Nur-Sultan qalasy politsiia departamentiniń baspasóz qyzmetine silteme jasap.
Memlekettik mekemeler men bankterde bailanysy bar kásipker azamatsha jaily qaýeset tanys adamdardyń arasynda tez tarap ketken. Sóitip aldanǵanyn bilmegen azamattar aqshasynan aiyrylǵan.
Ustalǵan azamatsha politsiia departamentiniń tergeý izoliatoryna qamalyp, respýblika aýmaǵynda buryn jasalǵan uqsas qylmystarǵa qatysy bar-joǵy tekserilip jatyr. Aldaýdyń barlyq faktileri boiynsha QR QK 190-baby boiynsha tergeý amaldary bastaldy.
Osy adamnyń zańǵa qaishy áreketterinen zardap shekken azamattar Beibitshilik, 19 mekenjaiy boiynsha Nur-Sultan qalasynyń politsiia departamentine júginip nemese 8 (7172) 71-61-51; 71-60-69, 87025009729 nemese «102» nómirine qońyraý shala alady.
Eger siz alaiaqty tanysańyz nemese onyń alaiaqtyq áreketterinen zardap shekseńiz, dereý politsiiaǵa habarlasyńyz.
