34 جاستاعى ەيەل 9 قالا تۇرعىنىنىڭ سەنٸمٸنە كٸرٸپ, الداپ سوققان. الاياق ولارعا مەملەكەتتٸك باعدارلاما بويىنشا تۇرعىن ٷي كەزەگٸن جىلجىتۋعا كٶمەك بەرەمٸن دەپ ۋەدە ەتكەن. ٶزٸنٸڭ «قىزمەتٸ» ٷشٸن ەرقايسىسىنان 2-دەن 3 ملن-عا دەيٸن اقشا العان, دەپ حابارلايدى "ۇلت اقپارات" نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
مەملەكەتتٸك مەكەمەلەر مەن بانكتەردە بايلانىسى بار كەسٸپكەر ازاماتشا جايلى قاۋەسەت تانىس ادامداردىڭ اراسىندا تەز تاراپ كەتكەن. سٶيتٸپ الدانعانىن بٸلمەگەن ازاماتتار اقشاسىنان ايىرىلعان.
ۇستالعان ازاماتشا پوليتسييا دەپارتامەنتٸنٸڭ تەرگەۋ يزولياتورىنا قامالىپ, رەسپۋبليكا اۋماعىندا بۇرىن جاسالعان ۇقساس قىلمىستارعا قاتىسى بار-جوعى تەكسەرٸلٸپ جاتىر. الداۋدىڭ بارلىق فاكتٸلەرٸ بويىنشا قر قك 190-بابى بويىنشا تەرگەۋ امالدارى باستالدى.
وسى ادامنىڭ زاڭعا قايشى ەرەكەتتەرٸنەن زارداپ شەككەن ازاماتتار بەيبٸتشٸلٸك, 19 مەكەنجايى بويىنشا نۇر-سۇلتان قالاسىنىڭ پوليتسييا دەپارتامەنتٸنە جٷگٸنٸپ نەمەسە 8 (7172) 71-61-51; 71-60-69, 87025009729 نەمەسە «102» نٶمٸرٸنە قوڭىراۋ شالا الادى.
ەگەر سٸز الاياقتى تانىساڭىز نەمەسە ونىڭ الاياقتىق ەرەكەتتەرٸنەن زارداپ شەكسەڭٸز, دەرەۋ پوليتسيياعا حابارلاسىڭىز.
