Saǵat 04.05-te VAZ-21099 kóliginiń júrgizýshisi Ál-Farabi kóshesiniń boiymen ketip bara jatyp, jol tehnikasyna soǵylǵan.
Oqiǵa ornyna kelgen politseiler júrgizýshiniń mas bolǵanyn baiqaǵan, dep habarlaidy "Ult aqparat" elordalyq politsiia departamentiniń baspasóz qyzmetine silteme jasap.
Sondai-aq, qujattaryn tekserý kezinde 30 jastaǵy júrgizýshiniń 2018 jyly mas kúide kólik tizgindegeni úshin júrgizýshi kýáliginen aiyrylǵany belgili boldy.
Alaida, oǵan qaramastan júrgizýshi taǵy mas kúide rýlge otyrǵan. Atalǵan fakti boiynsha ol politsiia basqarmasyna jetkizilip, kóligi kommýnaldyq turaqqa qoiyldy.
Oǵan qatysty QR QK 346-baby boiynsha tergeý júrip jatyr.
Politsiiadan málim etkendei, 2020 jyldyń qańtarynan bastap mas kúide júrgizýshi kýáliginsiz kólik tizgindegenderge jaza qatańdaǵanyn eske saldy.
«Jyl basynan beri Nur-Sultanda kólik júrgizý quqyǵynan aiyrylǵan 40 azamat mas kúide avtokólik júrgizgeni úshin qylmystyq jaýapqa tartyldy. Ótken jyly QR QK 346-baby boiynsha 45 júrgizýshi qylmystyq jaýapqa tartylǵan bolatyn», - dedi politsiia vedomstvosynyń basshysy Erjan Sádenov.
