Elordada saǵat 09:00 shamasynda Uly Dala kóshesindegi patrýldik politsiia qyzmetkerleri «Lada» avtokóliginiń júrgizýshisi baǵdarshamnyń qyzyl túsine shyǵyp, jaiaý júrginshige jol bermegenin baiqap qalǵan.
Avtopatrýl ekipajynyń toqta degen talabyn elemei, jol tártibin buzýshy jyldamdyqqa basyp, jasyrynýǵa tyrysqan, dep habarlaidy "Ult aqparat" Nur-Sultan qalalyq politsiia departamentiniń baspasóz qyzmetine silteme jasap.
Birneshe kósheden ótkesin, ol turǵyn úi kesheniniń aýlasynda kóligin qaldyrǵan da, qasha jónelgen. Politseiler qashqyn qorshaýdan qarǵymaq bolǵan kezde qýyp jetken. Alaida ol qorshaýda otyrǵan kúii politseilerdi óziniń aitqanyna kóndirmek bolǵan. Degenmen qýǵyn munymen aiaqtalǵan joq. Júrgizýshini tómen túsirip, kólikke apara jatqan kezde ol politseilerden bosap shyǵyp, qasha jónelgen. Jaiaý qýý kezinde politsiia qyzmetkerleri mas júrgizýshini tez ustady.
Mas bolǵan júrgizýshige meditsinalyq tekserýden ótý usynyldy, biraq ol bas tartty.
Osylaisha, júrgizýshi QR ÁQBK 613-babynyń 4-bóligin buzǵan, iaǵni politsiia qyzmetkeriniń mas kúiin kýálandyrýdy ótý týraly zańdy talabyn oryndamaǵan.
Ákimshilik sot sheshimimen 27 jastaǵy júrgizýshi 15 táýlikke ýaqytsha ustaý izoliatoryna qamaldy jáne 8 jyl merzimge kólik quralyn basqarý quqyǵynan aiyryldy. Avtokólik kommýnaldyq turaqqa qoiyldy.
