Astanada koronavirýstan kóz jumǵan ekinshi naýqas 21 naýryzda aýrýhanaǵa jaǵdaiy aýyr kúide túsken. Tynysy tarylyp, pnevmoniiamen aýyratyny anyqtalǵan.
Coronavirus2020.kz saitynyń Telegram arnasyndaǵy derekke sáikes, qant diabeti, insýlinge táýeldilik jáne qan qysymynyń joǵary bolýy jaǵdaiyn onan saiyn qiyndatyp jibergen. 22 naýryzda reanimatsiiaǵa aýystyrylyp, intensivti terapiia júrgizilgen. Diagnostika kezinde koronavirýstyq infektsiia bary anyqtalǵan.
Intensivti terapiiaǵa qaramastan naýqastyń jaǵdaiy barǵan saiyn nasharlai bergen. 31 naýryzda túngi saǵat 3.30 shamasynda júregi toqtaǵan.
Buǵan deiin qalalyq densaýlyq saqtaý basqarmasy naýqastyń jasy 50-de bolǵanyn, issaparlarǵa jii shyqqanyn aitqan edi. Marqumnyń eki jaqynynan koronavirýs anyqtalǵan.
Sońǵy derek boiynsha, Qazaqstanda koronavirýs juqtyrǵan naýqastar sany 325-ke jetken. Nur-Sultan qalasy koronavirýs juqtyrǵandar sany boiynsha respýblikada birinshi orynda tur. Munda 175 adamnan virýs tabylǵan. Almatyda - 82, Qaraǵandy men Atyraýda - 13 naýqas tirkelgen. Eldiń basym bóliginde shekteý sharalary engizilgen.
