«Ramada Plaza» ǵimaratynda ornalasqan juqpaly aýrýlar statsionary jabylýda. Búgin bul jerden koronavirýs infektsiiasy jáne pnevmoniiamen aýyrǵan sońǵy 20 naýqas shyǵaryldy, dep habarlaidy "Ult aqparat" qala ákimdiginiń resmi saityna silteme jasap.
№3 qalalyq kópsalaly aýrýhananyń terapevti Dáýren Moldajanovtyń aitýynsha, 1 shildeden bastap osy aýrýhanada COVID-19 aýrýy bar 1 myńǵa jýyq naýqas emdelgen.
«Bul statsionar óz mindetin tolyq oryndady. Nur-Sultan ákimdigi ottegi kontsentratorlaryn jetkizdi. Naýqastardy kútý úshin barlyq meditsinalyq jabdyqtar men dári-dármek boldy. Bul bizge joǵary sapaly meditsinalyq kómek kórsetýge múmkindik berdi», – deidi D.Moldajanov.
Zeinetker Bibijan Qapparova kóp adamdar siiaqty aýrýdyń alǵashqy belgileri baiqalǵanda óz betinshe emdelgen. Biraq kóp uzamai syrqatty meditsinalyq kómeksiz jeńe almaitynyn túsingen.
«Men segiz kún boiy úide emdeldim. Sodan keiin ǵana jedel járdem shaqyrýǵa sheshim qabyldadym. Meni osy aýrýhanaǵa alyp kelip, on kún emdedi. Dárigerlerime, barlyq meditsina qyzmetkerlerine alǵysym shaksiz. Ózderine tóngen qaterge qaramastan basqalardyń ómirin saqtap qalǵandaryńyz úshin rahmet! Bizde osyndai jaýapkershilikti, adam janyna arasha bolar jas mamandardyń baryna qýanyshtymyn!» – deidi Bibijan apa.
Jalpy, qalada COVID-19-ǵa qarsy kúreske 16 statsionar jumyldyrylǵan. Esterińizge sala keteiik, 27 shildede Psihikalyq densaýlyq ortalyǵynyń klinikasynan COVID-19 bar sońǵy naýqas shyǵaryldy.
Bir jarym aidyń ishinde munda 1044 naýqas emdeldi. Shilde aiynyń basynan bastap Nur-Sultan statsionarlarynda pnevmoniiamen aýyratyndar sany 5 ese azaidy.
Qabyldanǵan karantin sharalary men qala emhanalarynda ambýlatoriialyq emdeýdi kúsheitý nátijesinde jedel járdem stantsiiasyna qońyraýlar sany 3 ese – kúnine 3 myńnan myńǵa deiin, tósek-oryn qorynyń júktemesi 99%-dan 30%-ǵa azaidy.
