«رامادا پلازا» عيماراتىندا ورنالاسقان جۇقپالى اۋرۋلار ستاتسيونارى جابىلۋدا. بٷگٸن بۇل جەردەن كوروناۆيرۋس ينفەكتسيياسى جەنە پنەۆمونييامەن اۋىرعان سوڭعى 20 ناۋقاس شىعارىلدى, دەپ حابارلايدى "ۇلت اقپارات" قالا ەكٸمدٸگٸنٸڭ رەسمي سايتىنا سٸلتەمە جاساپ.
№3 قالالىق كٶپسالالى اۋرۋحانانىڭ تەراپەۆتٸ دەۋرەن مولداجانوۆتىڭ ايتۋىنشا, 1 شٸلدەدەن باستاپ وسى اۋرۋحانادا COVID-19 اۋرۋى بار 1 مىڭعا جۋىق ناۋقاس ەمدەلگەن.
«بۇل ستاتسيونار ٶز مٸندەتٸن تولىق ورىندادى. نۇر-سۇلتان ەكٸمدٸگٸ وتتەگٸ كونتسەنتراتورلارىن جەتكٸزدٸ. ناۋقاستاردى كٷتۋ ٷشٸن بارلىق مەديتسينالىق جابدىقتار مەن دەرٸ-دەرمەك بولدى. بۇل بٸزگە جوعارى ساپالى مەديتسينالىق كٶمەك كٶرسەتۋگە مٷمكٸندٸك بەردٸ», – دەيدٸ د.مولداجانوۆ.
زەينەتكەر بيبٸجان قاپپاروۆا كٶپ ادامدار سيياقتى اۋرۋدىڭ العاشقى بەلگٸلەرٸ بايقالعاندا ٶز بەتٸنشە ەمدەلگەن. بٸراق كٶپ ۇزاماي سىرقاتتى مەديتسينالىق كٶمەكسٸز جەڭە المايتىنىن تٷسٸنگەن.
«مەن سەگٸز كٷن بويى ٷيدە ەمدەلدٸم. سودان كەيٸن عانا جەدەل جەردەم شاقىرۋعا شەشٸم قابىلدادىم. مەنٸ وسى اۋرۋحاناعا الىپ كەلٸپ, ون كٷن ەمدەدٸ. دەرٸگەرلەرٸمە, بارلىق مەديتسينا قىزمەتكەرلەرٸنە العىسىم شاكسٸز. ٶزدەرٸنە تٶنگەن قاتەرگە قاراماستان باسقالاردىڭ ٶمٸرٸن ساقتاپ قالعاندارىڭىز ٷشٸن راحمەت! بٸزدە وسىنداي جاۋاپكەرشٸلٸكتٸ, ادام جانىنا اراشا بولار جاس مامانداردىڭ بارىنا قۋانىشتىمىن!» – دەيدٸ بيبٸجان اپا.
جالپى, قالادا COVID-19-عا قارسى كٷرەسكە 16 ستاتسيونار جۇمىلدىرىلعان. ەستەرٸڭٸزگە سالا كەتەيٸك, 27 شٸلدەدە پسيحيكالىق دەنساۋلىق ورتالىعىنىڭ كلينيكاسىنان COVID-19 بار سوڭعى ناۋقاس شىعارىلدى.
بٸر جارىم ايدىڭ ٸشٸندە مۇندا 1044 ناۋقاس ەمدەلدٸ. شٸلدە ايىنىڭ باسىنان باستاپ نۇر-سۇلتان ستاتسيونارلارىندا پنەۆمونييامەن اۋىراتىندار سانى 5 ەسە ازايدى.
قابىلدانعان كارانتين شارالارى مەن قالا ەمحانالارىندا امبۋلاتورييالىق ەمدەۋدٸ كٷشەيتۋ نەتيجەسٸندە جەدەل جەردەم ستانتسيياسىنا قوڭىراۋلار سانى 3 ەسە – كٷنٸنە 3 مىڭنان مىڭعا دەيٸن, تٶسەك-ورىن قورىنىڭ جٷكتەمەسٸ 99%-دان 30%-عا ازايدى.
