Foto: Tengrinews.kz
Nur-Sultanda aýa raiynyń qolaisyzdyǵynan bir táýlikte 123 jol apaty boldy, - dep habarlaidy Tengrinews.kz tilshisi elordalyq politsiia departamentiniń baspasóz qyzmetine silteme jasap.
Nur-Sultanda tańerteńnen beri 123 jol-kólik oqiǵasy tirkeldi. Politseiler azamattardan aýa raiynyń nasharlaýyna bailanysty baratyn baǵytyn aldyn ala josparlap, kenet basqa jolaqqa aýyspaýdy jáne tejegishti kenet baspaýdy, qala syrtyna sapardan bas tartýǵa, sondai-aq patrýldik politsiianyń talaptaryn oryndaýdy surady.
"Qala syrtyna uzaq saparlardan bas tartýdy qatań túrde usynamyz. Múmkindiginshe, balamaly kólik túrin paidalanyńyz. Qazirgi ýaqytta aýa raiynyń qolaisyzdyǵyna bailanysty barlyq baǵyttaǵy qozǵalys jabyldy", - delingen habarlamada.
"Jaiaý júrginshilerge óte muqiiat bolý kerek. Joldan ótken kezde gadjetke úńilmei, qulaqqapty sheship, jaqyndap kele jatqan kóliktiń joqtyǵyna kóz jetkizý kerek. Qolaisyz aýa raiynda saqtyq sharalary jol-kólik oqiǵalarynyń sanyn edáýir azaitýǵa kómektesedi", - dedi Nur-Sultan qalasynyń politsiiasy.
