2021 jyly 21 qańtarda jeke kompaniia direktorynan para alǵany úshin Nur-Sultan qalasy qurylys basqarmasynyń bólim basshysy E.A.Naýryzbaevqa 42 million teńge kóleminde aiyppul salyndy. Bul týraly AntikorNEWS alańynda QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov aitty, dep habarlaidy QazAqparat.
«2021 jyly 21 qańtarda Nur-Sultan qalasy Baiqońyr aýdany №2 sotynyń úkimimen Nur-Sultan qalasy qurylys basqarmasynyń bólim basshysy E.A.Naýryzbaevqa memlekettik qyzmet atqarý quqyǵynan ómir boiyna aiyryla otyryp, 42 mln teńge kóleminde aiyppul salyndy», - deidi QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov.
Onyń aitýynsha, E.A. Naýryzbaev jeke kompaniia direktorynan oryndalǵan jumystardyń aktilerin kedergisiz tóleýge járdemdeskeni úshin 1,4 mln teńge somasynda para aldy degen kúdikke ilindi.
