2021 جىلى 21 قاڭتاردا جەكە كومپانييا ديرەكتورىنان پارا العانى ٷشٸن نۇر-سۇلتان قالاسى قۇرىلىس باسقارماسىنىڭ بٶلٸم باسشىسى ە.ا.ناۋرىزباەۆقا 42 ميلليون تەڭگە كٶلەمٸندە ايىپپۇل سالىندى. بۇل تۋرالى AntikorNEWS الاڭىندا قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ ايتتى, دەپ حابارلايدى قازاقپارات.
«2021 جىلى 21 قاڭتاردا نۇر-سۇلتان قالاسى بايقوڭىر اۋدانى №2 سوتىنىڭ ٷكٸمٸمەن نۇر-سۇلتان قالاسى قۇرىلىس باسقارماسىنىڭ بٶلٸم باسشىسى ە.ا.ناۋرىزباەۆقا مەملەكەتتٸك قىزمەت اتقارۋ قۇقىعىنان ٶمٸر بويىنا ايىرىلا وتىرىپ, 42 ملن تەڭگە كٶلەمٸندە ايىپپۇل سالىندى», - دەيدٸ قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ.
ونىڭ ايتۋىنشا, ە.ا. ناۋرىزباەۆ جەكە كومپانييا ديرەكتورىنان ورىندالعان جۇمىستاردىڭ اكتٸلەرٸن كەدەرگٸسٸز تٶلەۋگە جەردەمدەسكەنٸ ٷشٸن 1,4 ملن تەڭگە سوماسىندا پارا الدى دەگەن كٷدٸككە ٸلٸندٸ.
