Elordanyń bas sanitarlyq dárigeri Sarhat Beisenovanyń karantin jónindegi jańa qaýlysy shyqty, dep habarlaidy "Ult aqparat" Nur-Sultan ákimdiginiń resmi saityna silteme jasap.
Jańa qaýly talaptaryna sáikes, oiyn-saýyq, sporttyq jáne basqa da buqaralyq is-sharalardy, sondai-aq otbasylyq, eske alý is-sharalaryn, onyń ishinde úide (banketter, úilený toilary, mereitoilar, eske alý), mitingiler, sherýler, jiyndar jáne t. b. ótkizýge tyiym salynǵan.
Mindetti túrde 2 metrden kem emes áleýmettik qashyqtyqty saqtai otyryp, jeke tártippen jáne 5 adamnan aspaityn toppen tek ashyq aýada sporttyq jattyǵýlar ótkizýge ruqsat.
Bir otbasy múshelerinen nemese 3 adamnan aspaityn toptardan basqa, tabiǵatqa ekskýrsiialyq, korporativtik, toptyq shyǵýlardy uiymdastyrýǵa jáne qalanyń kórikti jerlerine sholý jasaýǵa tyiym salynady.
Qyzmeti jańartylmaǵan obektilerge: biliard, karaoke, boýling-ortalyqtarǵa, batýttar, kompiýterlik klýbtarǵa, túngi klýbtarǵa, býkmekerlik keńseler men oiyn klýbtaryna, onyń ishinde lotereia utystaryna, jabyq ǵimarattardaǵy oiyn alańdary men attraktsiondarǵa, sporttyq obektilerde ornalasqandardy qospaǵanda, onyń ishinde muzdy jáne rolikti syrǵanaqtarǵa barýǵa tyiym salynady.
65 jastan asqan adamdardyń qala jáne qoǵamdyq oryndar boiynsha júrip-turýy shekteledi.
Qoǵamdyq oryndarǵa, onyń ishinde qalalyq qoǵamdyq kólikterge, qyzmetine ruqsat etilgen obektilerge barǵan kezde, sondai-aq qoǵamdyq oryndarda ashyq aýada bolǵan kezde (ashyq aýada sportpen shuǵyldaný kezinde jáne 5 jasqa deiingi balalardy qospaǵanda) betperde kiiý, qashyqtyqty saqtaý jáne antiseptikterdi paidalaný jónindegi talaptardy qatań saqtaý kerek.
Qaýly mátininiń tolyq nusqasyn myna jerden kórýge bolady.
