Nur-Sultan qalasynda koronavirýsqa qarsy vaktsinany 181 myńǵa jýyq adam aldy, dep habarlaidy "Ult aqparat" elorda ákimdigine silteme jasap.
Onyń ishinde vaktsinanyń 1-komponentin 128 myń 700, 2-komponentin 52 myńnan astam adam aldy.
Qazirgi ýaqytta vaktsinatsiia pýnkteri meditsinalyq uiymdarda, saýda keshenderinde ashylǵan. Osylaisha, egý kabinetteriniń sany jyljymaly brigadalar arqyly úsh ese ulǵaityldy.
Qala boiynsha saýda ortalyqtary men saýda keshenderindegi pýnkter sany — 9. Olar «Mega Silk Way», «Keruen», «Han Shatyr» jáne «Abý-Dabi Plaza» saýda, oiyn-saýyq ortalyqtary, «Aziia Park» jáne «Big Shanhai» saýda keshenderi, Ortalyq bazar, «Álem» jáne «Astanalyq»saýda ortalyqtary. Atalǵan egý aimaqtarynda shamamen 14 000 azamat vaktsinalandy.
Vaktsinatsiia pýnkteriniń keńeiýine bailanysty meditsinalyq-sanitarlyq alǵashqy kómek (MSAK) uiymdarynyń jumys ýaqyty saǵat 8:00-den 22:00-ge deiin qysqartyldy, SOO úshin jumys tártibi ózgerissiz qalady — saǵat 10:00-den 22:00-ge deiin.
Sondai-aq, qalalyq MSAK uiymdaryna QazVac otandyq vaktsinasynyń qalǵan dozalary taratyldy. Bul dozalar birinshi kezeńde alǵan azamattardyń jartysyn vaktsinalaýǵa arnalǵan. Eske sala keteiik, sáýir aiynyń sońynda elordaǵa 6 myń qazaqstandyq preparat kelip túsken bolatyn.
Azamattardy egý úshin reseilik «Spýtnik» vaktsinasynyń 90 myńnan astam dozasy bar.
Qytaidan jetkizilgen 7 400 vaktsinanyń qazir 6 700-ge jýyq dozasy bar. Qoǵamdyq densaýlyq saqtaý basqarmasynyń málimetinshe, jaqynda basqarma qoimalaryna Sinofarm Hayat-Vak vaktsinasynyń taǵy 7 400 dozasy kelip tústi.
Preparattardyń dozalaryn jetkizý kestege sáikes, sondai-aq «SQ-Farmatsiia» jáne QR DSM tártibi boiynsha júzege asyrylady.
