Politsiia qyzmetkerleri internettegi alaiaqtyq faktileriniń 35% ashady. Bul týraly Nur-Sultan qalasy politsiia departamentiniń kriminaldyq politsiia basqarmasynyń bólim bastyǵy Talǵat Bólegenov aitty, dep habarlaidy QazAqparat.
«Internet alaiaqtyqtyqqa qatysty qylmysty ashý ońai emes. Qylmysker álemniń kez kelgen núktesinde otyryp, internet alaiaqtyq jasai alady. Qylmysty ashýdyń qiyndyǵy da osynda. Qazirgi ýaqytta mundai qylmys túrin ashý 35%-dan joǵary. Biyl 9 ai ishinde 1300 turǵyn politsiia departamentine internet-alaiaqtyqtyń qurbany bolǵany týraly aryz túsirdi», - deidi Kriminaldyq politsiia basqarmasynyń bólim bastyǵy Talǵat Bólegenov.
Onyń aitýynsha, koronavirýs indeti bastalǵan naýryz aiynan beri internettegi alaiaqtyq faktileri kóbeigen.
«Internet alaiaqtyq byltyrǵy jylmen salystyrǵanda 15% artyp otyr. Elordalyq turǵyndardyń kóbi internet arqyly saýda jasaidy, bul qylmys túriniń artýy osyǵan bailanysty bolýy múmkin», - deidi ol.
Internet-alaiaqtyǵyna qatysty ár faktide aqsha sheteldik bankterdiń sáikestendirilmegen elektrondyq ámiiandaryna nemese karta shotyna ketedi.
«Biz ekinshi deńgeili bankterdiń bárimen jumys isteimiz. Olar bizge bank týraly aqparat alýǵa kómektesedi, sodan keiin internet-resýrstardyń ákimshiligimen tyǵyz bailanystamyz», - deidi Talǵat Bólegenov.
Kiber qylmyspen kúres bóliminiń aǵa jedel ýákili Saiat Dúisenbaev shetelde otyryp internet alaiaqtyqpen ainalysqan 12-ge jýyq jaǵdai anyqtalǵanyn aitty.
«Qazirgi ýaqytta áleýmettik jelilerde otyratyn internet-alaiaqtar óte kóp. Shetelde otyryp internet-alaiaqtyqpen ainalysqan 12-ge jýyq alaiaqty anyqtady. Atap aitar bolsaq, olar Ýkraina memleketinde anyqtaldy. Qazirgi ýaqytta biz bul isti QR Bas prokýratýrasyna joldadyq. Odan keiin alaiaqtyń kim ekenin, qai jerde júrgenin anyqtaý úshin halyqaralyq jeke tapsyrmany Ýkraina memleketine joldaimyz. Halyqaralyq jeke tapsyrmalarǵa súiene otyryp qylmystyq istiń tergeý amaldary júrgizilýde», - deidi ol.
