پوليتسييا قىزمەتكەرلەرٸ ينتەرنەتتەگٸ الاياقتىق فاكتٸلەرٸنٸڭ 35% اشادى. بۇل تۋرالى نۇر-سۇلتان قالاسى پوليتسييا دەپارتامەنتٸنٸڭ كريمينالدىق پوليتسييا باسقارماسىنىڭ بٶلٸم باستىعى تالعات بٶلەگەنوۆ ايتتى, دەپ حابارلايدى قازاقپارات.
«ينتەرنەت الاياقتىقتىققا قاتىستى قىلمىستى اشۋ وڭاي ەمەس. قىلمىسكەر ەلەمنٸڭ كەز كەلگەن نٷكتەسٸندە وتىرىپ, ينتەرنەت الاياقتىق جاساي الادى. قىلمىستى اشۋدىڭ قيىندىعى دا وسىندا. قازٸرگٸ ۋاقىتتا مۇنداي قىلمىس تٷرٸن اشۋ 35%-دان جوعارى. بيىل 9 اي ٸشٸندە 1300 تۇرعىن پوليتسييا دەپارتامەنتٸنە ينتەرنەت-الاياقتىقتىڭ قۇربانى بولعانى تۋرالى ارىز تٷسٸردٸ», - دەيدٸ كريمينالدىق پوليتسييا باسقارماسىنىڭ بٶلٸم باستىعى تالعات بٶلەگەنوۆ.
ونىڭ ايتۋىنشا, كوروناۆيرۋس ٸندەتٸ باستالعان ناۋرىز ايىنان بەرٸ ينتەرنەتتەگٸ الاياقتىق فاكتٸلەرٸ كٶبەيگەن.
«ينتەرنەت الاياقتىق بىلتىرعى جىلمەن سالىستىرعاندا 15% ارتىپ وتىر. ەلوردالىق تۇرعىنداردىڭ كٶبٸ ينتەرنەت ارقىلى ساۋدا جاسايدى, بۇل قىلمىس تٷرٸنٸڭ ارتۋى وسىعان بايلانىستى بولۋى مٷمكٸن», - دەيدٸ ول.
ينتەرنەت-الاياقتىعىنا قاتىستى ەر فاكتٸدە اقشا شەتەلدٸك بانكتەردٸڭ سەيكەستەندٸرٸلمەگەن ەلەكتروندىق ەميياندارىنا نەمەسە كارتا شوتىنا كەتەدٸ.
«بٸز ەكٸنشٸ دەڭگەيلٸ بانكتەردٸڭ بەرٸمەن جۇمىس ٸستەيمٸز. ولار بٸزگە بانك تۋرالى اقپارات الۋعا كٶمەكتەسەدٸ, سودان كەيٸن ينتەرنەت-رەسۋرستاردىڭ ەكٸمشٸلٸگٸمەن تىعىز بايلانىستامىز», - دەيدٸ تالعات بٶلەگەنوۆ.
كيبەر قىلمىسپەن كٷرەس بٶلٸمٸنٸڭ اعا جەدەل ۋەكٸلٸ سايات دٷيسەنباەۆ شەتەلدە وتىرىپ ينتەرنەت الاياقتىقپەن اينالىسقان 12-گە جۋىق جاعداي انىقتالعانىن ايتتى.
«قازٸرگٸ ۋاقىتتا ەلەۋمەتتٸك جەلٸلەردە وتىراتىن ينتەرنەت-الاياقتار ٶتە كٶپ. شەتەلدە وتىرىپ ينتەرنەت-الاياقتىقپەن اينالىسقان 12-گە جۋىق الاياقتى انىقتادى. اتاپ ايتار بولساق, ولار ۋكراينا مەملەكەتٸندە انىقتالدى. قازٸرگٸ ۋاقىتتا بٸز بۇل ٸستٸ قر باس پروكۋراتۋراسىنا جولدادىق. ودان كەيٸن الاياقتىڭ كٸم ەكەنٸن, قاي جەردە جٷرگەنٸن انىقتاۋ ٷشٸن حالىقارالىق جەكە تاپسىرمانى ۋكراينا مەملەكەتٸنە جولدايمىز. حالىقارالىق جەكە تاپسىرمالارعا سٷيەنە وتىرىپ قىلمىستىق ٸستٸڭ تەرگەۋ امالدارى جٷرگٸزٸلۋدە», - دەيدٸ ول.
