Maýsymnyń 20-21 kúnderi elordada tek úidiń aýlasyndaǵy azyq-túlik dúkenderi ǵana jumys isteitin bolady, dep habarlaidy qala ákimdigi.
Jumys ýaqyty saǵat 10.00-den 17.00-ge deiin. Buǵan qosa demalys kúnderi barlyq OSO, saýda úileri, jelilik dúkender, jabyq azyq-túlik jáne azyq-túlik emes bazalarlar men dúkenderdiń jumysy toqtatylady.
«Qazir qalada indettiń eki – otbasylyq jáne ujymdyq oshaǵy baryn eskerip, elordada «úidegi demalysty» engizý týraly sheshim qabyldandy. Búginde bizge, dárigerlerge indetti juqtyrý qarqynyn tómenderý jáne tizbekti joiý kerek. Áitpese infektsiia údep barady. Qala tirligin qamtamasyz etetin kásiporyndar men úidegi azyq-túlik dúkenderi ǵana jumys isteidi. Tipti, bazarlar da jabylady. Qala turǵyndary senbige deiin qajetti azyq-túlik satyp alýy kerek. Alaida dúrbeleń týdyrmaǵan jón, sebebi ár úidiń aýlasynda azyq-túlik dúkenderi bar. Adamdar bul kúnderi úilerinde otyrýy tiis. Asa qajettilik bolmasa úiden shyqpaý kerek», – dedi qalanyń bas sanitarlyq dárigeri Janna Pirálieva.
Budan bólek, 20-21 maýsymda dárihanalar men kóshedegi dámhanalar formatyndaǵy ashyq aspan astyndaǵy qoǵamdyq tamaqtaný oryndaryna jumys isteýge ruqsat beriledi. Olar sanitarlyq talaptardy qatań saqtaýy tiis.
Aita keteiik, búgin QR Premer-Ministri Asqar Maminniń tóraǵalyǵymen QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) selektorlyq otyrysy ótti. Onda Nur-Sultan, Almaty, Qaragandy, Shymkent, Pavlodar, Ekibastuz qalalary boiynsha birqatar shekteýler sharalary qabyldanǵan edi.
