Ekinshi toqsanda elimizde 55 bala koronavirýs juqtyrdy. Bul týraly Ortalyq kommýnikatsiialar qyzmetinde ótken brifingte sanitarlyq-epidemiologiialyq baqylaý komitetiniń tóraiymy Aijan Esmaǵambetova aitty, dep habarlaidy "Ult aqparat".
«Birinshi toqsanda ShQO, SQO-daǵy mektepter karantinge jabyldy. Keshe Nur-Sultanda taǵy bir mektep karantinge jabyldy. Keshe ǵana, iaǵni ekinshi toqsannyń alǵashqy kúni onlain jáne oflain oqyp júrgen balalar arasynda koronavirýs juqtyrǵan 55 jaǵdai anyqtaldy», - dedi sanitarlyq-epidemiologiialyq baqylaý komitetiniń tóraiymy Aijan Esmaǵambetova.
Onyń aitýynsha, koronavirýspen aýyrǵan 55 balanyń 14-i - mektepke baryp oqysa, 41-i - onlain oqyǵan oqýshy.
«Koronavirýspen aýyrǵan balalar kún saiyn tirkelip otyr. Olardy monitoringten ótkizip otyrmyz. Epidemiologiialyq jaǵdaiǵa qarsy sharalar epidemiologiialyq tergeý júrgizý arqyly iske asýda. Sondai-aq, koronavirýspen aýyrǵan bala oqyǵan synypty nemese mektepti jabý týraly sheshim qabyldanyp jatyr», - deidi ol.
Karantinge jabylý ýaqyty aýrý juqtyrý tirkelmegen jaǵdaida - 14 kún.
