ەكٸنشٸ توقساندا ەلٸمٸزدە 55 بالا كوروناۆيرۋس جۇقتىردى. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە سانيتارلىق-ەپيدەميولوگييالىق باقىلاۋ كوميتەتٸنٸڭ تٶرايىمى ايجان ەسماعامبەتوۆا ايتتى, دەپ حابارلايدى "ۇلت اقپارات".
«بٸرٸنشٸ توقساندا شقو, سقو-داعى مەكتەپتەر كارانتينگە جابىلدى. كەشە نۇر-سۇلتاندا تاعى بٸر مەكتەپ كارانتينگە جابىلدى. كەشە عانا, ياعني ەكٸنشٸ توقساننىڭ العاشقى كٷنٸ ونلاين جەنە وفلاين وقىپ جٷرگەن بالالار اراسىندا كوروناۆيرۋس جۇقتىرعان 55 جاعداي انىقتالدى», - دەدٸ سانيتارلىق-ەپيدەميولوگييالىق باقىلاۋ كوميتەتٸنٸڭ تٶرايىمى ايجان ەسماعامبەتوۆا.
ونىڭ ايتۋىنشا, كوروناۆيرۋسپەن اۋىرعان 55 بالانىڭ 14-ٸ - مەكتەپكە بارىپ وقىسا, 41-ٸ - ونلاين وقىعان وقۋشى.
«كوروناۆيرۋسپەن اۋىرعان بالالار كٷن سايىن تٸركەلٸپ وتىر. ولاردى مونيتورينگتەن ٶتكٸزٸپ وتىرمىز. ەپيدەميولوگييالىق جاعدايعا قارسى شارالار ەپيدەميولوگييالىق تەرگەۋ جٷرگٸزۋ ارقىلى ٸسكە اسۋدا. سونداي-اق, كوروناۆيرۋسپەن اۋىرعان بالا وقىعان سىنىپتى نەمەسە مەكتەپتٸ جابۋ تۋرالى شەشٸم قابىلدانىپ جاتىر», - دەيدٸ ول.
كارانتينگە جابىلۋ ۋاقىتى اۋرۋ جۇقتىرۋ تٸركەلمەگەن جاعدايدا - 14 كٷن.
