Nur-Sultan qalasyndaǵy Jeruiyq parkinde Respublika qozǵalysynyń uiymdastyrýymen beibit miting ótti, - dep habarlaidy Baq.kz.
Miting qatysýshylary azamattardyń negizgi quqyqtary men bostandyqtarynyń saqtalýyn, Parlamenttik respýblikaǵa kóshýdi, shyn mánindegi jergilikti ózin-ózi basqarý júiesin, sailaý júiesiniń reformasyn, sot biliginiń táýelsizdigi men zań ústemdigin, politsiianyń parlamentke esep berip, qoǵam múddesine qyzmet etýin, bilik tarmaqtarynyń derbestigin talap etti. Aldyn ala tirkelgen spikkerler sóz sóilep, sodan soń ashyq mikrofon boldy.
Sóz kezegi berilgen Erbol Alin halyqtyń saiasi saýaty artyp, memleketten talap etý joldaryn úirený kerek dep esepteidi.
"Qazaq halqy, kúshtik qurylymdar, áskerdegi azamattar. Bárimiz birnárseni túsinýimiz kerek. Eshqandai soǵys, qyrǵynsyz, zaiyrly túrde memleketimizdi, ultymyzdy saqtap qalý úshin, árbir qazaqstandyqyń ómir súrýin jaqsy deńgeige jetkizý úshin bizge básekelestik kerek. Parlamenttik respýblika bolý kerek. Zańǵa reformalar júrgizý kerek. Bárimiz qosylyp, aǵaiyndar, elimizdi kórkeitý úshin jumys isteýimiz kerek. Zaiyrly, mádenietti túrde bir-birimizben jumys istei alýymyz kerek. Memlekettiń eń basty qundylyǵy - halyq. Halyq belsendi, saiasi saýatty bolmaiynsha biz osy turǵan orynda tura beremiz" dedi ol.
Qazaq degen sózdiń maǵynasy - erkin adam, iaǵni bizdiń bolmysymyz - erkindik. Biraq ókinishke qarai, óz bolmysymyzdan alystap kettik. Sol bolmysymyzǵa qaitýymyz kerek. Adamdy erkin bolǵany úshin, erkin oilaǵany úshin qýdalaý durys emes. Óitkeni erkindik - qylmys emes, dep óz oiyn jetkizdi jas belsendi - Ajar esimdi stýdent.
"Búgin qar men aiazǵa qaramai kelgenderińizge rahmet. Úlkenderdi, ata-ájelerdi kórgenime qýanyshtymyn. Biraq dostaryma, zamandastaryma aitarym, qaidasyńdar? Osy elde ómir súrgim keledi. Qazaqstandy jaqsy kóremin. Reforma eshteńeni sheshpeidi degender boldy. Eger barlyǵy jumylsa sheshedi. Eger biz biliktiń jalǵyz kózi - halyq ekenin kórsetsek, eger qurdastarym beibit jolmen birnárse istep, ózgerte alatynymyzǵasense. Bastysy sený jáne aitýdan qoryqpaý. Sebebi demokratiia degenimiz adamdar problemalar týraly aityp, basqanyń pikirin qurmetteý. Eń bastysy úndemei qalý emes, problemalardy talqylaý" deidi stýdent.
Shara kezinde quqyq qorǵaý organdary baqylap júrdi, biraq olar protseske aralaspady.
