Nur-Sultan qalasynda avtojoldaǵy asfalt opyrylyp túsken, dep habarlaidy QazAqparat.
Oqiǵa 11 sáýir kúni boldy jáne qalalyq ákimdik bolǵan jaitqa qatysty resmi túsinik berdi.
«Kerei, Jánibek handar jáne Túrkistan kósheleriniń qiylysyndaǵy káriz qubyrynda bolǵan apattyq jaǵdaidan joldy sý shaiyp, saldarynan joldyń júretin bóligine nuqsan kelgen. Qazirgi kezde ol jer qorshalyp, «Eco System» kommýnaldyq qyzmeti káriz qubyrynyń búlingen bóligin qalpyna keltirý jumystaryn júrgizip jatyr», - deidi qalalyq ákimdiktiń baspasóz qyzmetinen.
Sondai-aq, habarlamada qalalyq kólik jáne jol-kólik infraqurylymyn damytý basqarmasy atalǵan joldy qysqa merzim ishinde qalpyna keltiretini aitylǵan.
Aita ketsek, asfalttyń ortasyna opyrylyp túsken videosy áleýmettik jelide tarady.
