Astanada ahýal ortalyǵy ashyldy, dep habarlaidy "Ult aqparat" elorda ákimdiginiń resmi saityna silteme jasap.
«Qalada epidemiologiialyq jaǵdaidy eskere otyryp, birqatar sheshimder qabyldandy. Birinshiden, jedel meditsinalyq kómek bazasynda bailanys ortalyǵy quryldy. Onda dereý taldaý jasalyp, keńes berý qyzmeti kórsetiledi. Bul kúnine shamamen 500 ótinim. Sondai-aq qalalyq aýmaqtyq emhanalarda jaýapty tulǵalarmen bailanys ortalyǵy quryldy. Olar týraly aqparat internet-resýrstarda qoljetimdi. Qalamyzdaǵy iKOMEK aqparat ortalyǵynda meditsinalyq uiymdardyń ár basshysyna arnalǵan mobildi qosymshalar bar. Ótinimder birden olardyń mobildi qosymshasyna túsedi», – dep túsindirdi qoǵamdyq densaýlyq saqtaý basqarmasynyń bastyǵy Sáýle Qisyqova. ⠀
Sáýle Qisyqova elordada ahýaldyq ortalyq qurylyp, onda qalanyń tósek-oryn qory KVI jáne naýqastar aǵymymen retteletinin atap ótti.
«Josparly ambýlatoriialyq-emhanaǵa barýdy ýaqytsha toqtatý esebinen bul kadrlyq resýrstar qosymsha jedel meditsinalyq járdem brigadalaryn qurýǵa baǵyttaldy. Jaqynda 32 brigada quryldy. Búginde qalada 150 brigada jumys jasaýda», — dedi ol.
