«Qoǵam jáne memleket: seriktestik pen damýdyń 30 jyly «Birgemiz» atty IX Azamattyq forýmy 2020 jylǵy 23-27 qarasha aralyǵynda Azamattyq qoǵam aptalyǵy formatynda ótedi.
Bul týraly QR Aqparat jáne qoǵamdyq damý ministrliginiń resmi saitynda habarlady.
Elimizdiń qoǵam belsendilerin biriktiretin dástúrli aýqymdy is-sharany biyl jańa formatta ótkizý josparlanyp otyr. Qatysýshylardyń qaýipsizdigi úshin Azamattyq forým onlain rejimde ári bes kúnge josparlanǵan baǵdarlamamen ótedi.
Azamattyq qoǵam aptalyǵy sheńberinde Qazaqstan Respýblikasynda Azamattyq qoǵamdy damytý tujyrymdamasynyń negizgi baǵyttaryn talqylaý josparlanǵan.
Atap aitqanda, azamattardyń sheshim qabyldaýǵa qatysýy; qoǵamdyq baqylaý – shynaiylyq pen múmkindikter; ÚEU básekege qabilettiligi: tabys faktorlary, táýekelder, perspektivalar; qoǵam, memleket jáne biznes dialogy atty baǵyttar talqylanady. Sonymen qatar, forýmda buǵan deiingi forýmdar usynymdarynyń oryndalýy talqylanyp, salalyq úkimettik emes uiymdardyń ministrlermen kezdesýi ótedi.
Forým delegattary sarapshylyq, pikirtalas jáne oqytý sharalaryna qatysyp, Qazaqstan Respýblikasyndaǵy azamattyq qoǵamnyń damýy boiynsha óz suraqtaryn kótere alady. Bul rette, Aqparat jáne qoǵamdyq damý ministrligi belsendi uiym ókilderin eldegi ózekti máselelerdi eskere otyryp Azamattyq forýmnyń kún tártibin qalyptastyrýǵa atsalysýǵa shaqyrady.
Forýmǵa 1000-nan astam ÚEU, memlekettik organdar, sarapshylar qaýymdastyǵynyń ókilderi qatysady dep kútilýde.
Aita ketsek, azamattyq forýmdar 2003 jyldan bastap eki jylda 1 ret QR Aqparat jáne qoǵamdyq damý ministrliginiń uiymdastyrýymen ótedi.
